اسف وايه يعنى كنت فى يوم حبيبك

اسف ..لا ياللى كنت فى يوم حبيبك

اسف..لا مش هايجى يوم تانى واسمعلك

مبقاش خلاص اسفك يشفعلك

انا نسيت حبى اللى كان ليك

لايمكن تانى افكر فيك

وانسى فى يوم انى اعيد اللى كان تانى معاك

اسف...ياما دوقت الالم على ايديك

اسف...ياما اتعذبت من هواك

اسف...ياما ضحيت علشانك

وبقت صدمه قلبي كبيره فيك

وندمت انى مره سلمت امري لعيونك

وعمري بمشاعري مابخلت عليك

وقابلت الوفا منى ليه بغدرك

لا ياللى كنت حبيبي مش هسامحك

مابقاش ينفع معايه ندمك

انا نسيت حبى اللى كان ليك

وكفايه المر والجرح اللى كان على ايديك

مش انت اللى فرطت فى حبك

ورحت تدور على طير مش ليك

اهه جرح فيك وزي ماخنت خانك

ومن كاس العذاب اخيرا سقاك

كفايه عليه دمع عيونك

كفايه عليه احساسك بذنبك

لا ياللى كنت فى يوم حبيبك

لامش هايجى يوم تانى واسمعلك

مش هايجى يوم تانى واسامحك

مابقاش خلاص ندمك يشفعلك

انسى خلاص مانا نسيتك

اسف وايه يعنى كنت فى يوم حبيبك

crazy for u

Baby youre perfect for me You are my gift from heaven This is the greatest story of all timesWe meet met in like in a movie So meant to last forever And what youre doing to me Feels so fine Angel I wake up And live my dreams EndlesslyCrazy for you Can you feel the rhythm in my heart The beats going Dum Tek Tek Always out it like there no minute Feels like theresno way back Can you feel the rhythm in my heart The beats going Dum Tek Tek.....

من غير ما اقرى ولا اكتب..

من غير ما اقرى ولا اكتب انا اتعلمت

من ماسي الدنيا كتير انا شفت

وفى دوامة الدنيا الكبيره انا توهت

سافرت فى احلامى كتير واتغربت

ولا فى يوم على اي شط بمركبي رسيت

وياما من جراح الاصحاب والاحباب انا اتالمت

ومن هموم الدنيا لا استعجبت ولا استغربت

بلاد لاقيت قيها حقى اخده بذراعى وفرحت

وبلاد لاقيت فيها حقى بيضع وكمان على قفايه اخدت وحزنت

فى بحر غويط لاقيت نفسي وصرخت

لاحد عليه رد ولا اي صوت انا سمعت

وفى يوم نادى عليه منادى وعليه انا كمان ندهت

قالى مالك تعبان علاجك عندى واتعالجت

علاجك عند رب العباد وعليه اتكلت

من ساعتها لاشوفت غدر الموج مانا مركبى كسرت

وقلت يارب سامحنى علشان من زمان فيك ما فكرت

وفى عز الالام عليك ما التجات

سكتك خلاص ياربى انا عرفت

ومن سكة الاحزان انا توبت

من غير ما اقرى ولا اكتب انا اتعلمت

ماينجدنى من همى غير ربى اللى علشانه انا اتخلقت

بجد خلاص نويت الرحيل

خلاص نويت الرحيل

هاتسيبنى تانى لوحدى ارجع للعذاب والويل

بعد ماكنت هنا بعد ماكنت معايه نهار وليل

ده انا شايفك الحلم الجميل

بقيت نجمة السهر فى الليل الطويل

لا قيت معاك اللى كنت منه محروم

لاقيت معاك لحظة فرح نسيت معاك لحظات الم

حسيت انى لاقيت اللى شبهى حاله من حالى

وجعى من وجعه ليه نويت على الرحيل

انت اخترت البعد ماستحملتش الياس

عارف انى مقدرتش اعملك حاجه

عاوز اقولك خليك عاوز اقولك بلاش الرحيل

عارف انك مش هتسمع الكلام

فى عنيك شايف نظرة الم نظرة حنان

محتار تايه مابين هنا وهناك

مابقاش فى ايدك خلاص غير الرحيل

خلاص نويت الرحيل

هاتسيبى تانى لوحدي هاتسيبنى للعذاب والويل

ولما ترحل مع مين انا اسهر الليل

باترجاك والدموع فى العين

واطلبها باعلى صوت

واقولك بلاش ترحل

بلاش وانسى فكره الرحيل

اه انا من الصم والبكم

انا بحمد ربنا على كل حاجه

اتولدت وجوايه ناقصنى مليون حاجه

بايدى لمست ولاقيت اللمسه كدابه

بعقلى فكرت بس لسه كتير افهمه انا محتاجه

اتولدت قدامى بتتحرك شفايف لاقيتها

اتولدت انا لابتكلم ولاانا بسمع صوتها

احمد ربنا انه خلقنى كده

سابلى عيون تشوف

وقلب يعرف من ربنا الخوف

اخيرا كبرت وخرجت للدنيا وانا فاهمها

وعشت الدنيا بحلاوتها وبمرارتها

علمت قلبي ازاي يحس بالكلمه المكتوبه

علمت عينى تقرى ايه جوه العيون اسرار مدفونه

بقت الناس تخاف عليه وتخاف منى

بقت الناس تخاف بعيونها تواجهنى

ويستعجبوا ويتعجبوا من حالى

وبقوا حتى بيحسدونى على عاهاتى

ده كمان حتى سمونى معجزة زمانى

ايوه انامن الصم ايوه انا من البكم

لكن عمره ماقدر يهزمنى الهم

بقيت اسمع من العيون الصوت واترجم

وبقيت انا لغة العيون افهم

افهم واترجم الصوت لكلام

واحس من الكلام بالفرح والالام

انا اتولدت كده واحمد ربنا على كده

ممكن تقولى رحت فين..........

ممكن تقولى انت رحت فين

ياللى انت بقيت خلاص نور للعين

غايب عنى ليه طول اليوم

جننتنى وطيرت من عينى النوم

مسكت قلبي ولوعته على جمر الشوق

ماحد سمعنى باتالم واقول الاه غير ربى من فوق

ده انا لسه بقول ياهادى فى الهوي

وماكنتش اعرف انه بسرعه قلبي منك انكوى

فى غيابك حسيت بضيق الدنيا من حواليه

فى بعادك حسيت انه نفسي هانت عليه

ده انا بقيت فى حبك اخر بهدله

مش عارف يمينى من شمالى ودماغى مش مركزه

ولقربك روحى متجننه

بقول للوقت اجرى واقول للساعه اتحركى

والزمن يضحك عليه ويرد يقولى فى العجله الندامه

على ايه ياروح مستعجله مالك بقيتى كده مجنونه

ترد وتقول خلاص زهقت اتخنقت

وللقى الحبيب كتير انتظرت

ياه ه انا حاسس انه بقالنا عمر نعرف بعضنا

وموتنا ومن تانى حيينا وبرضه اتقابلنا

ومن تانى حبينا بعضنا

امتى هاتيجى وتنور هنا

امتى هاتيجى وتخلى الدنيا تضحك لنا

ربنا اخيرا منك خلصنى

عاوزه ايه تانى منى

من يوم معرفتك دمرتى حياتى

حتى الفرقه زرعتيها بينى وبين اصحابى

جايه ليه تانى بتدروى على ايه تانى

ماكل حاجه اخدتيها منى

فى كل مكان اروحه ليه بتطاردينى

ياللى انتى شيطان وسميتى نفسك ملاكى

من يوم ماعرفتك وغضب عليه ربى

بسحرك الاسود سحرتينى

كدايه من يومك وكدبتينى

غشاشه عيونك وغشيتينى

وعلى روحى قهرتينى

وسيبتى النار فى قلبي وحرقتى فيوز عقلى

من يومك والغدر فيكى

ده انا ماصدقت انك سيبتينى

عمرى ماهزعل عليكى

ماهو انتى فى الاصل مش ملاكى

وانا اصلا كنت مخنوق فى هواكى

ماشفتش يوم حلو من يوم لقاكى

واخيرا رضى عليه ربي

ومن سحرك خلصنى

ياه اخيرا طلعت الشمس فى نهارى

يوم ماودعتينى عاوزه ايه منى تانى

ده انتى فى بعدك ريحتينى

روحى بقا دورى على غيرى

يكون كداب زيك ويغشك فى هواكى

ده فى بعدك رجعتلى حياتى

مابقاش خلاص ليكى هوى عندى

جايه ليه تفتحى الجرح من تانى

يلا بقا امشى من هنا وماتجيش تانى

واياك فى يوم اشوفك بتجرى ورايه تانى

ارجوك يابن الناس احسن ليك تبعد عنى

ممكن تقولى تعرف ايه عنى

عمال فى كل حته اروحها تطاردنى

اوعا فى يوم تبص لجمال روحى ولا حتى لحتة جمال فى شكلى عمال بس بحبك تقولى وانا عماله اقولك يابن الناس ابعد عنى ده انت ماتعرفش حاجه عنى ده اناجوايه حاجات لو صارحتك بيها يمكن ساعتها تقرف منى وتقولى ياريتك مافكرتى تعرفينى ممكن تقولى تعرف ايه عنى كفايه احساس ونظره الحب اللى جواك ديه بتدبحنى مسيره الاحساس يتحول والنظره تبقا شفقه عليه وبرضه هاتالمنى وتجرحنى بلاش تضيع وقتك معايه وحياتى احسن ليك يابن الناس تبعد عنى عاوز تعرف ايه عنى عاوز تعرف ليه كلمة الحب مش هقدر انطقها لانه انا مش قدها ولا قد مسئوليتها حب يعنى جواز وخلفه وعيال وهو حد يكره انه يبقا عنده عيله وعيال يابن الناس ارجوك ابعد عنى مش قادره خلاص هاقولك ايه عندي بس ارجوك اوعا لكلامى تقاطعنى انا عندى مرض فى قلبى ارجوك بلاش تقرب منى اه هوده السبب اللى من الحياه ومن الحب منعنى اه هو ده اللى عن الناس بعدنى سيبنى اعانى من مرضى لوحدى عاوزه اعيش لوحدى مع المى وانا مؤمنه وكل حاجه بشكر عليها ربى مش عاوزه نظرة الحب اللى كانت ليه تتحول لنظرة شفقه عليه بلاش ارجوك تمسح دموع عينيه انا عارفه انت كنت بتقول ايه عليه ديه معنديهاش قلب ديه انانيه مانا قولتلك جوايه حاجات لو صارحتك بيها هاتحس انت بالذنب نواحيها ارجوك عاوزه ابقا لوحدى واوعا تانى بحبك تقولى وادينى كده خلاص عرفتك كل حاجه عنى ارجوك احسن ليك يابن الناس تبعد عنى

حملة يقودها لاعب اجنبى (خبر من جريده )

بصراحه العنوان ده شدنى جدااااااا...... بحكم طبعا انه الجرائد غاليه......... فهى مابتدخلشي بيتنا خالص لانه والدى وفر وبيقراها على النت....... لكن انا وقعنى قدرى مع ورقة جرنان بجد كانت طايره فى الهوا........ مسكتها وانا اي حاجه بتقع فى ايدي احب اقراها.......... شدنى اوي الخبر على العموم الخبر جديد مش قديم فى شهر اربعه اللى احنا فيه ده.......... تتوقعوا معايه اللاعب الاجنبى ده بيقود حملة علشان ايه........ وهو هايستفاد ايه..هاتصدقونى لو قلتلكم انها حملة دينيه.....وانه اللاعب ده مسلم موحد بالله سبحانه وتعالى...ياه بصراحه انا لما قريت الخبر بكيت جدا .. تفاصيل الخبر باختصار...من نص الجريده نفسه ....( يقود اللاعب المالى كانوتى لاعب اشبيليه الاسبانى حمله دينيه تحمل شعار (( صلاة الفجر مقياس حبك لله )) تستهدف الحملة دفع المسلمين هناك الى الاهتمام باداء صلاة الفجر على وقتها وفى جماعه لان الكثير من المسلمين اضاعوا صلاة الفجر فى هذا الزمن وكانها قد سقطت من قاموسهم مثل اشياء كثيره اخرى .... فيصلوها بعد انقضاء وقتها بساعات بل يقوم البعض بصلاتها مع صلاة الظهر يقول فريدريك كانوتى .. ان الانسان منا اذا احب اخر حبا صادقا احب لقاءه بل اخذ يفكر فيه كل وقته وكلما حانت لحظة اللقاء لم يستطع النوم حتى يلاقى حبيبه فهل حقا اولئك اللذين يتكاسلون عن صلاة الفجر يحبون الله ؟ هل حقا يعظمونه ويريدون لقاءه؟) ديه كانت مقدمة الموضوع بصراحه لما قريت الموضوع لاخره كنت فرحانه لانه قدر يعمل اللى كان نفسي اعمله يابخته والله. اه انا كان نفسي اعمل كده بس بصراحه كنت لما اجى انصح حد يقولى وانتى مالك فبقيت انصح نفسي.......... وفى نفس الوقت اتضايقت لما ابص على حالنا هنا واللى بنعمله....... انا مش بتفلسف ولا بجرح فى حد........ بس ليه فعلا احنا كمان مايكونشي عندنا الافكار الحلوه ديه....... ليه مانخافشي على دينا كده........ ماهي كده كده الدنيا ضايعه منك......... مستفاد منها ايه اليوم الحلو اللى بيعدى مابيرجعشى تانى......... ادينا شايفين موت الفجأه....... اللى بيخطف الواحد وهو لسه فى اول شبابه ولا انا غلطانه هو هنا بيدعوا انه صلاة الفجر ديه فعلا مقياس حبك لله فعلا هى اللى بتدل قد ايه انت انسان محافظ..... انتم عارفين البركه اتقلت ليه من الزمن........ بسببنا احنا وطمعنا وجشعنا ونسينا انه ربنا اللى خلقنا وانه كل حاجه نصيب اخر كلمه هاقولها بجد صلاة الفجر على فكره بتبارك فى الرزق وتبارك فى الوقت وبتقربك من ربنا ده طبعا غير افضال الصلوات التانيه....... وفعلا اللى بيحافظ على صلاة الفجر ربنا يبارك فى رزقه واللى يحافظ على صلاة العصر ربنا يبارك ليه فى عياله طبعا الموضوع كبير جدا والكلام فيه عمره ماهيخلص ........ كل اللى حبيت انقله هنا بس اعرفكم ايه اللى بيحصل بره من المسلمين اللى بره.... اعرفكم الحاجات الحلوه اللى بتحصل بره ....... ومش بتحصل عندنا اللهم انى استغفرك واتوب اليك

كلمات من رساله..( منقوووووووووووووول )

استاذنته انا اعرضها فى موقعى

قال لى هذه ليست كلماتى

قال لى انا مجرد هاوى

اعرضيها والحق اعطيكى

لكن لا تذكريها على اسمى

فقط اخبريهم انها ليست ملكى

وانها ليست من كلماتى

البعض نحبهم!

لكن لا نقترب منهم ......فهم في البعد أحلى وهم في البعد أرقى ......وهم في البعد أغلى والبعض نحبهم ونسعى كي نقترب منهم ونتقاسم تفاصيل الحياة معهم ويؤلمنا الإبتعاد عنهم ويصعب علينا تصور الحياة تخلو منهم والبعض نحبهم! ونتمنى أن نعيش حكاية جميلة معهم ونفتعل الصدف لكي نلتقي بهم ونختلق الأسباب كي نراهم ونعيش في الخيال أكثر من الواقع معهم

والبعض نحبهم!

لكن بيننا وبين أنفسنا فقط فنصمت برغم ألم الصمت فلا نجاهر بحبهم حتى لهم لأن العوائق كثيرة والعواقب مخيفة ومن الأفضل لنا ولهم أن تبقى الأبواب بيننا وبينهم مغلقه والبعض نحبهم! فنملأ الأرض بحبهم ونحدث الدنيا عنهم ونثرثر بهم في كل الأوقات ونحتاج إلى وجودهم....كالماء....والهواء ونختنق في غيابهم أو الإبتعاد عنهم

والبعض نحبهم!

لأننا لا نجد سواهم وحاجتنا إلى الحب تدفعنا نحوهم فالأيام تمضي والعمر ينقضي والزمن لايقف ويرعبنا بأن نبقى بلا رفيق

والبعض نحبهم!

لأن مثلهم لا يستحق سوى الحب ولا نملك أمامهم سوى أن نحبهم فنتعلم منهم أشياء جميلة ونرمم معهم أشياء كثيرة ونعيد طلاء الحياة من جديد ونسعى صادقين كي نمنحهم بعض السعادة والبعض نحبهم لكننا لا نجد صدى لهذا الحب في قلوبهم فننهار وننكسر ونتخبط في حكايات فاشلة فلا نكرههم ولا ننساهم ونعود نبكيهم بعد محبتهم

مقدرتش قدامها اقول انى بحبك.........

كان فيه بيننا ميعاد ...مانمتش طول الليل من فرحتى..... الليل كان طويل من طول الانتظار.......اخيرا الحلم هايبقا حقيقه....... اخيراالعيون هاتتلاقى...ماصدقت النهار طلع.......قمت اجرى علشان الحق الميعاد....رحت قبلك وكان فاضل دقيقه على اللقاء
قعدت فى مكانى استناك.......... عليه اوي اتاخرت.....استنيتك عشر ساعات..........عليك قلقت..اتخضيت..لاجيت ولا حتى اعتذرت.......ولا حتى على التلفون رديت.......فى الشوارع عليك دورت........واصحابك انا سالت.......وياريتنى لاقيه منهم جواب ولا حتى حد عليه رد.....محديش عارف عنك حاجه...وقال ايه الاسم اصحاب....كنت بحسدك على اصحابك...لماقلت انك وحيد دلوقت بس انا صدقتك...حسيت بوحدتك ساعتها حسيت بحزنك.......عدى عليه اليوم كانه مليون سنه.......وبرضه لسه كنت بدور عليك.......رجعت لمكان شغلنا........لاقيتها قاعده هناك مستنيه.......كانت بتتكلم مع واحده صاحبتها.هيه كمان كانت متضايقه......لاقيتها بتنطق اسمك..لاقيتها بتجيب فى سيرتك..وقفت قدامها متسمره........والدموع جوه عنيه متالمه..خلاص ده اسمك انت مش حد تانى..ديه سيرتك انت مش حد تانى..انا كده متاكده قلبي اتجنن وعقلى تاه...بقيت محتاره.....وظهرت جوايه غاره..اسالها ولا افضل كده فى عذابى وناري.........واخيراعليك سالتها..بقولها انتى ليه زعلانه.....انا سمعتك بتقولى اسمه سمعتك غصب عنى بتجيبى فى سيرته..... قالت اه انا زعلانه لانه سافر.......هايغيب يومين اه بس كتير عليه بعاده.......الدموع نزلت من عينيه الله يسامحها فضحتنى دموع عينيه..........بصت وهيه مش مهتمه بتقولى انتى ليه بيه مهتمه........بتسالى ليه عليه....انتى مين ويهمك هو فى ايه.....ماكانشي فى بالى ساعتها غير انى اعرف عرفت منين هيه......سالتها وكانت معايه صريحه....قالت سالت عليه هنا فى شغله....سافر فجاه سافر من غير مااودعه.....اصلى انتى ماتعرفيش انا قد ايه بحبه......ده انا وبس اللى فى قلبه
وتانى سالتنى انتى مين.......مقدرتش اقول انى بحبك.........مقدرتش اقول انا كمان حبيبتك.. مقدرتش اقول انا كمان فى قلبك.......مش عارفه لسه هيه ولا انا حبيبتك.......الدموع فى عنيه فاضحانى...بس الحمد الله هيه مش قريانى........قلتلها انا كده طيبه بحب كل الناس وده عشره وبعده برضه هاياثر فيه....وهيه من عبطها صدقتنى.....تصدق انى خفت اجرحها...رغم انى حاسه الكدب فى مشاعرها.....بقيت محتاره
كانت فين لما انت كنت معايه.......قلبى ولع ومصنع افكار اشتغل فى دماغى.........عمال شغالين بهمه.......عملوا انتاج جامد فى اقل من برهه....كل لحظه معاك مرت قدامى فى لحظه.....انا حبيبتك مش هيه.........انا فاكره عنها ايه قلت........انا عارفه انت ليه عنها بعدت........بس انا كنت لسه محتاره.........اوى من نفسي زعلانه.......ومشيت بعيد عنها.....مش قادره اسمع كدبها..روايات وحكايات عماله تالفها عنكم ........واخيرا وصلتنى منك رساله.......ماراحتشي ليها ديه جت ليه انا......... بتقولى حبيبتى اطمنى....مشتاق ليكى اوعى عنى تبعدى.....ده الى حصل غصب عنى........لما ارجع باذن الله هحط ايديك فى ايدي.......ولا لحظه هخليكى عنى تغيبى....... من ساعة مابعدت صورتك مافارقتشي خيالى.......المره اللى جايه باذن الله خلاص هاتكونى معايه فى كل سفرياتى
ياه مش قلتلك ياقلبي .....احنا حبايبه ومافيش غيرنا فى قلبه
ورديت عليه برساله
اقوله حبيبى سامحنى ظلمتك.........مقدرتش ادافع عن حبى مقدرتش اقول قدامها انى بحبك........ياترى بعد ده كله لسه استاهل حبك
واستنيت الرد .....والانتظار كان عليه صعب........اهيه الرساله جت.......فتحت اقراها واناحاسه انه مافيش حواليه حد
حبيبتى بحبك ........وعارف انتى ليه ماقولتيش وفاهمك.......... بحبك علشان بتعملى حساب احساس غيرك قبل احساسك
حبيبتى انتى حبيتى مش هيه.........حبيبتى استنينى مش هاتاخر عليكى.......انا جايلك وهاخليكى خلاص بحبك تجاهرى
ياه ساعتها بس ارتحت........واخدت بعضى وروحت........وانتهت الحكايه باسعد نهايه

اللى بينا ايه

بتسالنى اللى بينا اسميه ايه

اللى بينا ده حب غير اي حب

انت اللى علمتنى احب

انت اللى قولتلى اول كلمة حب

خبطت على بابك وانا خايف منك

بالحنان والمحبه استقبلتنى

انت اللى زرعت جوايه الامل

خلتنى احس يعنى ايه حياه يعنى فرح

ماكنتش اعرف معنى للالوان

عرفتك ومعاك حسيت بكل الالوان

ضحكتك صافيه لونها لون السماء

وشجنك والمك واحزانك احمى من حمم البركان نفسها

انت للى زرعت جوايه الحب

واوعا فى يوم تفكر انه بعدك هيقتل حبك جوايه

لاياحبيبي فانا حبى لك ليس كحب البشر

احبك حب عالم اخر

احبك ولا اعرف سوى حبك انت

انت اللى فى بعادك بتقسي عليه

ومهما تقسى حبى ليك زي ماهو
اللي بينا ده انت تحب اسميه ايه

بحبك

لم اعرفك

لكنى احبك

لم اراك لكنى احبك

لادري ماحصل بى لكنى احبك

فى عقلى اسمع صوتك فى قلبي اري صورتك فى دمى يجري هواك نعم احبك

هاترضى تعيش فى مدينتى.........

جوايه ايه

جوايه شوارع جوايه مدينه

لما بحب اخرج بروح جوايه واتمشى

على شط قلبي بقعد واسرح

جوه شوارعى بذكرياتى بتفسح

فى الشارع على يمينى وشمالى ناس كتيره

ناس بتضحك وفرحانه

وناس والله ماعرف منى زعلانه

ولا عليه بتبكى وحيرانه

مش عارف ليه البيوت جوايه مايله

والعيون كتيره وتايهه

والشوارع من دمع العين غرقانه

والدنيا جوايه عتمه وكتمه

ايه اللى حصلك يامدينتى

ايه اللى جرالك ياحلم عمري

مين دخل ورايه جواكى

مين عمل كده ودمر فيكى

وايه يعنى بقالى سنين مابصيت عليكى

مش ذنبى ده كان غصب عنى

ده كان فيه حاجه بره بعدانى عنكى

بس خلاص ارتاحى يامدينتى

انا اهه رجعتلك من تانى

انور القناديل فيكى

وامسح الشوارع من الدموع

ونور الامل هايكون بدل نور الشموع

افرحى ده انا رجعتلك يامدينتى

هانسمع زقزقة العصافير من تانى

ومافيش غير الحان الامانى

نغنيها نعيش ونسرح وياها

ماهو اللى كان عنك بعدنى راح

خلاص وانتهى منى

عاوز ركن جديد هابنيه فيكى

قصر صغير تعيش فيه ذكرياتى

عاوز كل المدينه تزوره من وقت للتانى

هخصص وقت كل يوم اجدد فيه احزانى

وهابنى قصر تانى كبير للامانى

كل المدينه تيجى برضه تزوره واحلى حاجه تتمنالى

كل يوم هايكون فيه ضحكه وفرحه

كل يوم هايكون فيه ذكرى ودمعه

بس المهم انى اكون جوايه

معاكى يا مدينتى مش هفارقك تانى

وان قابلنى حد بره هقول مش هعيش غير فى مدينتى

جوايه جوه الشوارع المليانه

ناس بتضحك وناس زعلانه

واللى يرضى عنه شعب مدينتى

هو ده اللى يستاهل يكون امير مدينتى

واكتبله يافطه على باب المدينه

بدم قلبي اسطرها

نورت يا اميري نورت مدينتى

ويفيد بايه الندم.........

جوايه الم

جوايه بيصرخ من المى

عاوز اصرخ عاوز اتكلم بصوت عالى

عاوز حد يفهمنى حد يسمعنى

حد يشيل معايه همى ويستحملنى

زهقت واتخنقت مش قادر استحمل همى

عاوز ابوح مش عاوز ابقا لوحدى

مش قادر اكمل سكتى مش قادر الاقى نهايه لدمعتى

جوايه بيتحرق جوايه نار

ومش عارف ايه اخرة المشوار

القلوب المجروحه انا دويت

وبنار جرحهم وجرحى انكويت

واه والف اه مش لاقى انا لجرحى اللى يداويه

عاوز اصحى وبقول ياربى امتى هانسى

كفايه ياقلبي ارحمنى كفايه هايفيد بايه الندم

لا دموع العين هاترجع اللى راح

ولا انت ياقلبي هاتشفى من الجراح

هاتشكى لمين وتحكى لمين

لو اتكلمت هاتبقا انت الغلطان

مانت شايف مرارة كاس الزمان

ما انت شايف الكل قدامك زيك تعبان

وكله بيشكى من حاله ومن اللى خانوا

هايفيد بايه الندم كفايه ارجع من العدم

مش ذنبك انك عرفت الخاين

مش ذنبك انك بقيت فى الدنيا هاين

انسى بقا ياقلبي هايفيد بايه الندم

كفايه يا دموع العين كفايه الم

اه هانمشى السكه لوحدينا

اه ونكمل المشوار

لا هانرجع نبص تانى ورانا

وخلينا بقا نطفى النار

لحد امتى هانفكر

لحد امتى هانحتار

كل ثانيه الزمان بحال

واحنا لامتى هانفضل على ده الحال

ده اكيد دوام الحال والله من المحال

عارف انه مش هاننسى

لكن هايفيد بايه الندم

يمكن اللى جاي احسن من اللى فات

سلمها لله ده ربك كبير

وقادر لهمك يزيح

بس انت انسى وكفايه بقا حزن والم

كفايه يا دموع العين كفايه مش هايفيد الندم

خلينا نبتدى سكه جديده

خلينا نشوف قلوب تكون سعيده

تاخدنا معاها لسكه براح سكة افراح

يمكن تعوضنا اللى فات يمكن تنسينا اللى راح

يلا بينا من هنا يلا يا قلبي كفايه كده

طول ماحنا هنا لانت هاتنسى ولا العين هاتنشف دمعتها

يلا بينا يا قلبي يلا كفايه هايفيد بايه الندم

مش هاتلاقى هنا اللى يسمعك

مش هاتلاقى هنا اللى يفهمك

ده السكه لسه طويله اسمع كلامى وخلى على الله تكالك

لا الندم هايفيدك ولا نهاية الالم بايدك

تعالى شوف بحبك قد ايه

انا ما اكذب ... ولا اتسلى

انا هويتك غصب عني

تدري البارح وش اللي صار ...؟

عشت اجمل عمر

تخيلتك معي .. والهوى حلم.. وخيال

بس مو اية خيال

ادري البارح ضحكت ..

ثم رديت وبكيت ثم رديت وضحكت

ثم رديت وبكيت كني مجنونة ... صح ...؟!

ادري إنك قلت " صح " ...!!

بس وربي ماني مجنونة عقل أنا مجنونة عليك يا عبيط ...

ميت احساسك وإلا تتغلى علي...؟!

إذا تتغلى يااااااااااااااه ... وربي ما اغلى منك احد

تدري وش كثر الغلا اللي يحتويك بوسط عيني ...؟!!

كثر أُمي ... وابوي

وربي احسد انفاسك إذا تدخل لصدرك ..

وأحسد الخاتم إذا يسكن بكفك

واحسد اصحابك إذا نادوك بـ إسمك

وأحسد اخوانك وابوك ...!!

والمطر لو مس راسك

وحتى لو تدمع عيونك احسد الدمعة إذا نامت بخدك ...!!

كل هذا مو غلا...؟!!

يا خي رح ... والله ماتدري بإحساسي تجاهك ياغلاي ...!!

والغلا قسمة ونصيب ... وراضية بحكم القدر ...!

! يا بعد كل الجروح وأنت جرح ينزف أشواق وعطر قل يارب ...

جعل جرحك فيني عمره ما يطيب وانت في عمري صديق

وأنت بـ احساسي حبيب وأنت شمعة احترق من ضحكتك

وفرحتي في يوم عيدي ونبضي اللي وسط صدري وعطري اللي في وريدي ..!

!!وربي احبك ياعبيط ...يا الله روووح ...!!

وربي إنك املح من خلق ربي ولو إنك عبيط ... !

!ربي لا يحرمني منك ...!! ولا من عبطك وشينك ولا من نظرات عينك

ادى الفرق بين الحاضر والماضى........

اقولكم الفرق بين الحاضر والماضى

انا كنت قاعد فى حالى

ماليش دعوه غير باحوالى

انام براحتى واصحى بمزاجى

مايهمنى غير حياتى

وماليش دعوه بحد تانى

وفى يوم دق قلبي واتجنن عقلي

قال ايه على الحب عاوزين ياخدونى

وقعدت فيهم احايل بلاش السكه دي

قالولى ماتخافشي افتح الباب وسمعت كلامهم من خيبتى وهبلى

على واحد خنقه النصيب رمانى

وبقيت معاه فى كل ثانيه بيتغير حالى

واهم حاجه عنده يحرق فى دمى ويبهدل اعصابي

وبعد ده كله قال ايه لازم ادادي

واطبطب عليه وقال ايه واتاسف كمان على اغلاطى

ماهو اصل انا المفتري وقال ايه هو اللى بيضحى علشانى

الفرحه والسعاده بالنسبه ليه هو انه يقلق منامى

لاعمره فى يوم حتى كلمة الحب الجميله سمعهالى

بس اللى فالح فيه يغلط ويقولى هو ده الحب بالنسبه لى

لابقيت عارف انام فى ليلى ولا حتى اعيش نهاري

ياخساره نسيت طعم الهنا والشقا بقا كل ثانيه بيخبط على بابي

وافتحله يخش يبهدل فيه ويضحك على خيبتى واللى جرالى

كل يوم يجيلى بحجه جديده ويبكينى عليه هو بيحكيهالى

لحد مابان كدبه بس بعد ما اخدت مية ضربه على دماغى

وبقيت ماشي فى الشارع لاعارف اضحك ولاابكى

على اللى ضاع من ايامى واتمنيت يرجع بيه زمانى

يرجعنى لدنيتى من تانى

وقال ايه الزمن بالرد جالى

قالى يا عبيط مش تخلى عندك تمييز هو انا برجع من تانى

مانا اللى استاهل كل اللى يجرالى

ماناانضحك عليه من عقلى وقلبي

علشان كنت مامنهم وخانونى

واستغلونى وعاندونى ولاكلمه سمعولى

مش هاسامحهم طول عمري

ماناقولت وحلفت بلاش سكه اخرها هايكون جنانى

ورجعت تانى احاول اقعد فى حالى

لاقيت الحال المره ديه قاعد باسمع شكاوي

قلبى يتالم وقاعد يشكيلى

وعقلى يتجنن ويقولى خبينى

ومن ساعتها وانا بقول اه ياقلبي اه يادماغى

ياريتنى لافتحت بابي ولارضيت بهوانى

ماخلاص انكتب عليه اقضى الليل بعذابى

واعيش النهار بجنانى

ولايوم هارجع اقعد فى حالى ولاانام براحتى

ولا باصحى بمزاجى

ويفيد بايه الندم مش عاوز حد يبكى على حالى

خدها نصيحه منى اوعا تفكر تمشي طريق الهوى

واوعا تسافر للقمر بمركب من الشراع خالى

وتبقا خيبتك من خيتى ويجرالك اللى جرالى

وتتجنن ويبقا الحاضر بتاعك زي الحاضر بتاعى

باعلن انسحابى.......

ليه عملت معايه كده

ليه عاوزنى اكون فى حياتك مجرد ذكرى

ياترى حلوه ولا مؤلمه

انا باعلن انسحابى

وخلاص مش هدور عليك تانى

انا كنت بداوي جرحك وجروحى

واتارينى بزود على جروحى

اوعا فى يوم تنجرح تانى

اوعا فى يوم ترجعلى تانى

مش عاوز احس انك انانى

خليك بعيد يااللى كنت حبيبي

انا مش هدور عليك تانى

ولا هتكون ذكري فى حياتى

انا من جديد هتولد

وخلاص مافيش جروح تتوجد

وايه يعنى قصه وانتهت

مانا قولتلك اليوم اللى هاقول فيه بحبك هو اليوم اللى فيه هاودعك

انا خلاص باعلن انسحابى

ومش هدور عليك تانى

وصدقنى هانساك زي مانت بتنسانى

لانه مش هستحمل اهمالك ليه لحد كده و كفايانى

سبب احزانى..........منكم واليكم

قصه ماخوذه على لسان احدى صديقاتى........
عاوزه احكيلكم سبب احزانى........... ياريت يتسع صدركم لقصتى الحزينه ..... وصدقونى مش عارفه ليه انا هاحكى ..بس محتاجه اتكلم .......وعاوزه اتكلم بصوت عالى ....... وكل كلمه انا صداقه فيها .......طبعا مدوناتى كلها الحمد الله من كتاباتى انا مش ناقلاها من مكان تانى .....اللى قلته وكتبته كله طلع من اختلاطى بالناس ....... لكن انا الجرح اللى صحى الاحساس جوايه بالاخرين ماكانشي جرح حب ابدا........ وطبعا هاتندهشوا لما اقول كده.........بس انا والله ماحبيت..........وهاعرفكم ليه.........من تسع سنين اتعرضت لابشع مؤامره وانظلمت........افظع احساس فى العالم الظلم.......لما تنقال عليك كلمه مش فيك او ينضحك عليك من اقرب الناس ليك او تنخدع بسبب طيبة قلبك وصفاء نيتك ..... وتلاقى نفسك بيتحكم عليك ظلم فى موضوع انت ماعملتهوش...........مش هقدر اقول ايه هو الموضوع...........لكنى اتعرضت لظلم من اقرب الناس ليه كانت صاحبتى واختى وفيه صلة دم بينا كمان.......... ناس كتيره قالوا عادي خدي الموضوع ببساطه.......... ولانى انسانه غير عاديه......... ربنا انعم عليه بنعمه من زمان واحيانا كنت اتمنى انها ماتكونشي فيه......... نعمة الاحساس.... اه والله ديه نعمه ........ بحس بكل حاجه واي حاجه....... من ساعة حكاية الظلم ديه........ وانا قضيت فتره بالضبط بتاع تمانى سنين ونص .........دموعى مابتفارقشي خدى.......حزن والله قعدت فتره طويله مابكلمشي حد......... وليلى طويل جدا..........وازاي ادور على دليل براءتى...........مكنتش بفكر غير فى الموضوع ده...........مش بفكر فى حاجه تانيه سنين من عمري ضاعت.......ماكنتش فاضيه احب ولا اصلا الموضوع فى دماغى.......وبعد كده الانسانه اللى ظلمتنى ماتت.........ماتت من غير ماتعرف انها ظالمانى........ قعدت كتيرادعى ربنا انها تعرف انها ظالمانى..........لكن ربنا لحكمه وحده هو يعلمها.........لم يستجب دعائى .........طبعا هاتقولوا وايش عرفنا انك مظلومه ماحنا لازم نعرف علشان نحكم هاقولكم انا مش طالبه حكم.....لانه ديه مش مشكله بعرضها........ لكن انا عاوزه اتكلم هنا عن احساس الظلم.....احساس مؤلم وفظيع..........فيه ناس تنظلم وممكن تحاول تنتقم من اللى ظلمها باي طريقه........... وفيه ناس لاء تنظلم وتدافع عن اي مظلوم مع انها ماقدرتش تدافع ولا تحمى نفسها من الظلم اللى وقع عليها..........بعد ما ماتت صاحبتى ابتديت افوق لحياتى........ واخرج للدنيا.من تانى.... ابتديت اختلط بالناس......واحس بيهم ابتديت اكتب مدونات اعبر فيها عن حزنى واخلطه وسط احزانهم........... وحسيت احساس انه انا لما حزنت انى انظلمت هو نفس احساس الحبيب لما حبيبه يفارقه........وبينى وبينكم انا دلوقتى باخاف اوي اتكلم مع حد ولو اتكلمت بقا عندى عقده من حاجات كتيره بقيت لازم اسجل الحوار واكتب الكلام واخد معايه مذكره اوصف فيها كل اللى حصل......... بقيت اخاف انظلم تانى...........باتخض لما اكون باتكلم مع حد ويقولى لاء ماحصلشي.....فورا اطلع المستندات ( دليل براءتى ) ..لانه مش هاسمح انى انظلم تانى..... بذمتكم واحده زي ممكن تقدر تحب او تفكر فى الحب...... طبعا انا لغيت الفكره ديه من دماغى لسببين .......... لانه العمر الجميل اللى مفروض كنت احب فيه راح منى خلاص......... وتانى حاجه الماسي اللى بقيت اشوفها واسمع عنهاوالدنيا اللى اتغيرت........بطريقه فظيعه......... خرجت للدنيا.......وبكتب مدونات من واقعكم انتم..... مدونات منكم وليكم........واللى قدامى كله احزان........ وبصراحه بينى وبينكم لو حد قالى حاجه حلوه او قصه سعيده ......... مش هاضحك عليكم بصراحه مش هاقدر اعبر عن الرفحه لانى ما اقدرشي اعبر عن حاجه انا لسه ماعرفتش طعمها ايه وشكرا ليكم.......وشكرا انى قدرت اتشجع بسببكم واعرفكم سبب احزانى.....

مين هو اليتيم (بمناسبة يوم اليتيم)

هو مين اليتيم

مش بس اللى مالوش اب ولا ام يتيم

ده كمان اللى فى دنيا لوحده يتيم

اللى عايش من غير صاحب ولا حبيب يتيم

اللى انغدر بيه وداق كاس المر يتيم

واللى بيقاسي فى الدنيا علشان لقمة عيشه ده يتيم

واللى فاكر انه الخير خلص من الدنيا يتيم

اللى طلع الدنيا ملاقاش حواليه غير الشر يتيم

وكمان اللى انحرم من حبه وانظلم ده يتيم

اللى ماشي طيب فى حاله مش لاقى طيب زي حاله ولا حد يسال على حاله ده يتيم

رحت الملجاء النهارده ازرو يتيم حالى من حاله

رحت علشان افرح معاه واسال على حاله

وبدل ما افرحه نزلت الدموع من عينه

ولا قدرت اواسيه ولا اطيب حاله

ومن كتر حزنى بقيت امشي اوزع فى احزانى كان نفسي اسعدك يايتيم

بس اديك شايف الحاله ماتزعلشي يايتيم انك يتيم

ده انت هاتخرج هاتلاقى بدل الواحد تسعين مليون يتيم

ياريتنى ماجيت ولا زعلتك بكره يجى غيري ليك ويفرحك

ده انا ذنبى والله كبير فى حقك انى اجى وبدل ما افرحك ازعلك

يمكن فى يومك اللى جاي اجيلك يكون الحال بقا غير الحال وافرحك

قادر ربنا كريم يبدل حزنك ويفرحك

وويخلينى امشي اوزع الافراح بدل الاحزان عليك

اسف يايتيم كل سنه كنت باجى اسعدك

بس ارجوك سامحنى مش بايدي فى يومك الحالى اسعدك

زمان جيتلك وماكنتش اعرف حزنك

دلوقتى بقيت اعرف معنى حزنك

ولما احتاجت فهمت معنى احتياجك

واما انحرمت حسيت بحرمانك

مانا اكتشفت انى بقيت يتيم زيك

البحر..وابوقلب وردي (قصه نثريه)

البحر كان قاعد هادي........ على شط البحر اتنين صحاب جاييين يقعدوا جنبه الموج حس البحربيهم وعرف انه فيه واحد خاين فى وسطيهم ... البحر قعد هادي بيفكر ازاي يبعد الغدر عن الطيب الهادي ازاي يبعد الخاين اللى فى عينيه باين الشر... وعلشان الطيب دايما بيفضل طيب وعمره مايخون صاحبه موج البحر ابتدى يثور بجنانه عاوز يصرخ ويقول للطيب قوم وعلشان ربنا رب قلوب وبيدى كل واحد على قد اللى فى الفلوب كان لازم كل واحد ياخد جزاء نيته كان لازم كل واحد يعرف التانى ويعرف نيته وعلشان الخاين خلاص محضر جرعته عاوز يديها للى مسميه صاحبه و حبيبه قال البحر لموجه.. لاء لحد كده وكفايه ده الطيب ده ياما كان معايه وعلى روحى بيأمنى وجوايه بيدفن اسراره هاج الموج وثار وثار وطير الجرعه والخاين خطفتهم الموجه فى لحظه وبعيدالبحر بموجه رماهم وقاله ايه ياطيب ازي حالك ده انا ربى ليك بعتنى عاوز انبهك من بدري اوعا تانى فى يوم تدي الامان وتقول ده صاحبى ده خلص خلاص زمن الصحاب من بدري حرص ياطيب على نفسك وبلاش فى التهلكه ترمى نفسك واوعا انا كمان فى يوم تأمن ليه ده انا اسمى البحر و بموجى غدار وعالى بس بابقا طيب لما باكون هادي مش عاوز فى وشك اسودها بس مسيرك باذن ربى تلاقى صاحب زيك طيب.. وخد فى بالك طول مانيتك خير دايما معاك ربي انت ياصاحب طيب يابو قلب وردي... وفى الاخر ماهى الطيور دايما بتقع على اشباهها